4—7 февраль кунлари Тошкентда Ўзбекистон билан Европа Иттифоқи ўртасида кенгайтирилган шериклик ва ҳамкорлик тўғрисидаги битим бўйича музокараларнинг биринчи раунди бўлиб ўтди. Бу ҳақда ТИВ матбуот хизмати маълум қилди.
Томонларнинг нуфузли делегацияларига Ташқи ишлар вазири ўринбосари Дилшод Аҳадов ва Европа ташқи фаолият хизматининг бошқарувчи директори ўринбосари Люк Девин бошчилик қилди.
Битим лойиҳаси тузилмаси бўйича бир хил тушунчага келинди ва учта гуруҳга бўлиниб, ҳужжат лойиҳасининг барча бўлимлари батафсил ва конструктив равишда муҳокама қилинди ва мумкин бўлган ўзаро мақбул қоидалар белгиланди.
Ўзаро келишувга кўра, битим лойиҳасининг савдо қисми бўйича экспертлар учрашувлари Ўзбекистоннинг тегишли вазирликлари вакиллари иштирокида ҳафта охирига қадар давом этади.
Битим бўйича музокараларнинг иккинчи раундини Брюсселда ўтказишга келишиб олинди.
Изоҳ (0)