Президент ҳузуридаги хорижий инвесторлар кенгашининг илк йиғилиши жорий йил биринчи ярмида бўлиб ўтади. Бу ҳақда Инвестициялар ва ташқи савдо вазири Сардор Умурзоқовнинг Европа тикланиш ва тараққиёт банки Марказий Осиё бўйича бошқарувчи директори Бруно Бальванера билан музокаралари якунида маълум бўлди, дея хабар беради «Podrobno.uz» .
Томонлар йиғилишни ташкиллаш, шунингдек, ЕТТБ президенти Сума Чакрабартининг мазкур тадбир доирасидаги Ўзбекистонга ташрифи билан боғлиқ масалаларни муҳокама қилди.
Банк билан ҳамкорликда тузилаётган кенгаш фаолияти ҳукумат учун инвестиция муҳитини яхшилаш бўйича аниқ тавсиялар ишлаб чиқишдан иборат бўлади. Унинг таркибига Ўзбекистон ҳукумати, ЕТТБ, бошқа хорижий банклар ва молия институтлари, Савдо-саноат палатаси, маҳаллий бизнес-ассоциасялар вакиллари кириши кўзда тутилган.
Изоҳ (0)