General Motors йиллик даромади 8 миллиард долларга етди

2018 йилнинг тўртинчи чорагида АҚШнинг йирик автомобилсозлик компанияси General Motors’нинг (GM) соф фойдаси 2017 йилнинг тўртинчи чорагида 5,15 миллиард АҚШ доллар йўқотиш билан солиштирганда 2,04 миллиард АҚШ долларни ташкил қилди, дея хабар беради «Ведомости».

Компания кўрсаткичларига АҚШдаги солиқ ислоҳотлари таъсир қилган.

Ишлаб чиқарувчининг чорак даромадлари 1,8 фоизга ортиб, 38,4 миллиард АҚШ долларини ташкил қилган, бу эса бозор нархининг 35,9 миллиард АҚШ доллардан юқори бўлишига олиб келган.

GM ўтган чоракда Шимолий Америкада кучли молиявий натижалар кўрсатган. Бу ерда компания автомобилларининг ўртача нархи рекорд кўрсаткичга етган — 36 минг АҚШ доллар. Фойда маржаси бир чоракда 7,4 фоизга ошган.

2018 йил давомида GM автомобилларининг умумий сотув ҳажми 12,7 фоизга камайиб, 8,384 миллион донага етган, шимолий Америкадаги савдолар эса 2,4 фоизга камайиб, 3,49 миллионга етган, Хитойда GM 3,65 миллион дона автомобиль сотган. Даромад бир фоизга ошиб, 147 миллиард АҚШ долларни ташкил этган, операцион фойданинг улуши 8 фоизгача ортган.

Автотранспорт компаниясининг соф фойдаси ўтган йил давомида 8,01 миллиард АҚШ долларни ташкил қилган.

Бир йил давомида GM’нинг даромади 6,54 АҚШ долларни ташкил қилган ва 6,25 АҚШ долларига тенг бўлган консенсус прогнозидан ортган.

GM прогнозларига кўра, 2019 йилда бир акция учун даромад 6,5-7 АҚШ долларни ташкил қилади.