Тошкент шаҳар ИИББ ходимлари бедарак йўқолгач, давлатлараро қидирувга берилган 21 ёшли қизни топди. Бу ҳақда ИИББ хабарида айтилади.
5-дан 6 февралга ўтар кечаси соат тахминан 3:00 да Тошкент шаҳар ИИББ ППХ ходимлари Учтепа туманидаги Ал-Хоразмий кўчаси бўйлаб тротуарда ёлғиз кетиб бораётган қизни кўриб қолган. Қизнинг ташқи кўриниши бедарак йўқолган қизнинг таърифларига мос тушган.
Қизнинг шахсини аниқлаш, бундай кеч вақтда кўчада юриши сабабини билиш ҳамда унга ўз вақтида ёрдам кўрсатиш мақсадида, қиз Чилонзор туман ИИО ФМБ ички ишлар бўлимига келтирилган.
Бу ерда қизнинг исми Насиба К. эканлиги, у ўтган йили бедарак йўқолганлиги ва 2018 йил 28 ноябрда давлатлараро қидирувга берилганлиги аниқланди. Насиба ўз қариндошларига жойлашган жойи ҳақида маълум қилмаганлиги сабаби аниқлаштирилмоқда.
Изоҳ (0)