3 февраль куни Рим папаси Франциск уч кунлик ташриф билан Бирлашган Араб Амирликларига келди. Бу ҳақда Euronews маълум қилди, дея хабар беради «Azon.uz».
Бу Рим-католик черкови раҳбарининг Араб яриморолига илк бор келиши. Францискни Абу-Даби валиаҳд шаҳзодаси Муҳаммад ибн Зайд Наҳайён таклиф қилган.
Католик черкови етакчиси БААда «Инсоний биродарлик» мавзусидаги халқаро динлараро конференцияда иштирок этади. 5 февраль куни эса Абу-Дабидаги «Зайд Спорт Сити» мажмуасида насронийлар ибодати бўлиб ўтади, унда 135 минг католикнинг иштирок этиши кутилмоқда.
Маълумот учун, БААда асосан Филиппин ва Ҳиндистондан келган тахминан 1 миллион насроний яшайди.
Изоҳ (0)