МДҲ давлатлари ҳукумат раҳбарлари кенгаши ҳузуридаги жангчи-байналмилалчилар ишлари бўйича қўмита раиси Александр Ковалёв Тошкентда «Туркистон» саройида ўтказилган тадбирда ўзбекистонлик бир қатор байналмилалчи жангчи-ветеранларни қимматбаҳо тошли орденлар билан мукофотлади. Бу ҳақда Sputnik хабар берди.
Хусусан, Ўзбекистон ВETEРАН жангчи-фахрий ва ногиронлари бирлашмаси раҳбари Талъат Мурадов бриллиант тошли орден билан мукофотланди.
Мудофаа вазири ўринбосари, Қуролли кучлари академияси раҳбари генерал-майор Азиз Икрамов ёқут тошли «Ватанга хизмат» ордени билан тақдирланди.
Президент Администрацияси ходими Шавкат Аҳмедов бриллиант тошли «Ватанга хизмат» ордени билан мукофотланди.
Шунингдек, Ўзбекистон вилоятлари ҳокимлари ҳам орденлар билан мукофотланди. Сирдарё вилояти ҳокими Ғофиржон Мирзаев ва Фарғона вилояти ҳокими Шуҳрат Ғаниев «Ватанга хизмат» ордени билан тақдирланди.
Қимматбаҳо тошли орденларни ўз эгаларига топширган Ковалёв Афғонистондан совет қўшинлари чиқарилганининг 30 йиллиги муносабати билан Москвада ўтказиладиган тантанали тадбирга ўзбекистонликларни таклиф этди.
Изоҳ (0)