2019 йили вилоят қишлоқ хўжалигида юқори ҳосил этиштириш, ўтган йилда йўл қўйилган хато ва камчиликларни такрорламаслик мақсадида соҳа фахрийлари, катта тажрибага эга малакали мутахассислар, илғор фермер хўжаликлари раҳбарларидан иборат таркибда Маслаҳат кенгаши тузилди. Бу ҳақда Сурхондарё вилоят ҳокимлиги ахборот хизмати маълум қилди.
Вилоят ҳокимлигида бўлиб ўтган учрашувда Маслаҳат кенгаши аъзолари илғор тажрибалари билан ўртоқлашди. Соҳага оид ҳал қилиш лозим бўлган қатор муҳим вазифалар, хусусан, қишлоқ хўжалиги экин майдонлари унумдорлигини ошириш, чидамли, эртапишар, серҳосил экин навларидан фойдаланиш, агротехник тадбирларни ўз вақтида сифатли амалга ошириш, агрокластер фаолиятини ривожлантириш, янги лойиҳаларни ҳаётга татбиқ қилиш юзасидан ўз фикр-мулоҳазалари, таклифларини баён этди.
Bildирилган таклиф, фикр ва мулоҳазалар, муҳокамалар жараёнида олинган маълумотлар асосида жорий қишлоқ хўжалиги мавсумида тегишли чора-тадбирларни амалга ошириш белгиланди.
Кенгаш таркибига қишлоқ хўжалиги соҳаси фахрийлари, катта тажрибага эга малакали мутахассислар, илғор фермер хўжаликлари раҳбарлари кирди
Изоҳ (0)