Тошкентнинг Юнусобод тумани ҳокимлиги кўп қаватли уйлар бошқарувчи компаниялари учун танлов эълон қилди. Бу ҳақда Spot хабар бермоқда.
Танлов асосида кўп қаватли уйларни сақлаб туриш, эксплуатацияси ва таъмири билан шуғулланадиган бошқарувчи компания танланади. Шундан сўнг компания ва уй эгалари ўртасида шартнома имзоланади. Мажбурий бадал ва тўловлар қиймати умумий йиғилишда белгиланади.
Танловда мулк шаклидан қатъий назар барча корхона ва ташкилотлар, жумладан, хориж компаниялари иштирок этиши мумкин. Талабномалар жорий йил 10 февралига қадар қабул қилинади, якунлари эса 18 февралда эълон қилинади.
Изоҳ (0)