МИБ Бухоро вилояти бўлими оилавий муносабатларни қайта тиклаш, ажримларнинг олдини олиш борасида муайян ишларни амалга оширмоқда, деб хабар берди МИБ матбуот хизмати.
МИБ Шофиркон туман бўлими иш юритувига ФИБ Ғиждувон туманлараро судининг 2018 йил 28 июнь кунидаги ижро ҳужжати бўйича қарздор Ўктам Сафоевдан ундирувчи Мунира Қудратованинг фойдасига вояга етмаган 2 нафар фарзандининг моддий таъминоти учун 1/3 қисм миқдорида алимент ундириш тўғрисидаги ижро ҳужжати бўлим иш юритувида 2018 йил 12 июлида келиб тушган ва давлат ижрочиси томонидан ижро иши юритишни қўзғатиш тўғрисида қарор чиқариб, қарор нусхаси томонларга юборилган.
Шунингдек, ижро ҳаракатлари давомида алимент ундируви тўғрисидаги ижро ҳужжати юзасидан қарздор ва ундирувчини яраштириш, вояга етмаган фарзандларни қаровсиз яъни ота-онасиз қолдирмаслик, уларни келажакда яхши комил инсон сифатида вояга етказиш тўғрисида тушунтириш олиб борилди.
Олиб борилган тадбир давомида қарздор Ўктам Сафоев ва ундирувчи Мунира Қудратовалар оиласи яраштирилди.
Ҳозирги кунда ушбу тадбирлар давомида Қоракўл туманида 3 та, Жондор туманида 2 та ҳамда Олот туманида 8 та оилалар яраштирилиб, алимент ундириш тўғрисидаги ижро ҳужжатлари иш юритувидан тамомланди.
Ушбу тадбир давом этмоқда.
Изоҳ (0)