Тилан Блондо 2007 йилда олти ёшида дунёдаги энг чиройли қизалоқ деб тан олинган. Орадан 11 йил ўтиб, у яна бир марта фахрий унвонга сазовор бўлди — бу сафар The 100 Most Beautiful Faces of 2018 (2018 йилнинг энг чиройли қиёфаси) танловида биринчи ўринни олди. Бу ҳақда Forum Daily Woman хабар берди.
Илгари ушбу мукофотни Мишель Пфайффер, Марион Котийяр ва бошқа юлдузлар олган.
Танловга 1990 йилда Британия кино танқидчиси Т. С. Кэндлер томонидан асос солинган. Ташкилотчилар турли хил гўзаллик танловлари ичида муносиб ўрин эгаллашидан фахрланади. Бу йил ғолиблар ҳақидаги видеони икки кун ичида икки миллиондан зиёд одам кўрган.
Иккинчи ўринни тайванлик қўшиқчи Чжоу Цзи-юй, учинчи ўринни исроиллик модель Яэль Шелбиа, тўртинчи ўринни Америка-Филиппин актрисаси Лиза Соберано эгаллаган.
Тилан мукофот олганидан қувониб, ўз миннатдорчилигини билдирган ва «бунга ҳали ҳам ишонолмаётганини» қўшиб қўйган.
Instagram’га қўйилган видео остида қиз: «Ўзим ҳам бунга ишонолмаяпман, @tccandler ва менга овоз берган барчага раҳмат,» деб ёзиб қўйган.
Пост 94 мингдан зиёд «like» йиғган, фойдаланувчилар Тиланни табриклаб изоҳлар қолдирган.
Изоҳ (0)