29 январнинг эътиборга молик хабарлари — «Дарё» дайжестида.
Усмонхон Алимов 1 февраль ҳақида: «Қиёмат қачон бўлишини Аллоҳ таолодан бошқа ҳеч ким билмайди».
2002 йилда олимлар 2002 NТ7 астероидини аниқлаб, унинг ер билан тўқнашуви 2019 йилнинг 1 февралига тўғри келишини тахмин қилган. Бу маълумот ижтимоий тармоқларда тарқаб, охирзамон ҳақидаги турли хил миш-мишлар пайдо бўлишига сабаб бўлган. «Дарё» ушбу гап-сўзларга ойдинлик киритишга ҳаракат қилиб кўрди. Шунингдек, Ўзбекистон мусулмонлари идораси раҳбари, муфтий Усмонхон Алимовдан изоҳ олинди.
***
Юнусобод ва Шайхонтоҳур туманлари чегарасида жойлашган «Наврўз» маданият ва дам олиш боғи ҳудудида йўловчилар учун мўлжалланган илк осма кўприк барпо этилмоқда.
***
Самарқанд шаҳридаги вокзал ҳудудида бодом дарахти қийғос гуллади.
Бундан олдин шундай ҳолат Наманган, Сурхондарё вилоятларида кузатилганди. Қиш ойларида об-ҳавонинг илиқ келиши табиат қоидаларига ҳам ўз таъсирини ўтказмоқда.
***
Ўзбекистонликларнинг Қозоғистонда музлаб қолишига яна бир баҳя қолди.
Ичида Ўзбекистон ва Тожикистон фуқаролари бўлган автобус бузилиб қолганлиги сабабли йўлда қолиб кетган.
54 кишини Туркистон вилоятидан Екатеринбургга олиб ўтаётган транспорт воситаси техник носозлик сабабли жуда совуқ об-ҳаво ҳукмронлик қилаётган Петропавловск чегарасида тўхтаб қолган.
***
Қирғизистоннинг Ўзбекистон билан чегарадаги қишлоғида 3 метрли бўғма илон топилди.
Қишлоқ ветеринари Маматрайим Тожибоевнинг айтишича, у катта эҳтимол билан, қўшни давлатдан канал орқали сузиб келган. «Эҳтимол, Ўзбекистонда кимдир илонлар боқади, улардан бири нобуд бўлганида эса, уни каналга ташлаб юборган», — дейди ветеринар.
Изоҳ (0)