Мудофаа вазирлиги тасарруфидаги «Темурбеклар мактаби» ўқувчилари илк бор МДҲ мамлакатлари ҳарбий академик лицейлари жамоалари ўртасида ўтадиган физика ва математика ўқув фанлари бўйича Халқаро олимпиадада иштирок этади. Бу ҳақда «Дарё»га Мудофаа вазирлиги матбуот хизмати хабар берди.
Жорий йилнинг 19—23 март кунлари Россия Федерациясининг Санкт-Петербург шаҳрида ўтказиладиган Халқаро олимпиада иштирок этиш учун Фарғона, Самарқанд ҳамда Хоразм шаҳридаги «Темурбеклар мактаби» ўқувчилари ўртасида аниқ фанлар йўналиши бўйича икки босқичда тайёргарлик беллашувлари ўтказилган.
Дастлабки босқич синовлари жорий йилнинг 19 январь кунига қадар ҳарбий академик лицейларда, иккинчи босқичи эса 22—23 январь кунлари Чирчиқ олий танк қўмондонлик-мухандислик билим юрти базасида бўлиб ўтди.
Ғолибларга фан олимпиадасининг халқаро босқичига йўлланма ва Мудофаа вазирлиги томонидан диплом ва эсдалик совғалари топширилди.
Мазкур беллашувлар «Темурбеклар мактаби» ўқувчиларининг илмий-ижодий ва интеллектуал салоҳиятини шакллантириш, ўқувчилар ўртасида беллашув муҳитини яратиш ҳамда Халқаро олимпиадага иштирокчиларни сифатли тайёрлаш мақсадида ўтказилди.
Изоҳ (0)