Ўзбекистон истеъмолчилар ҳуқуқларини ҳимоя қилиш жамиятлари федерациясининг «Ишонч телефони»га Нукус шаҳрида яшовчи А.Музаффаров мурожаат қилди. Бу ҳақда ЎзА хабар бермоқда.
У «Нукус авто савдо» корхонасига Cobalt учун 84 миллион 164 минг 910 сўм пул ўтказгани, аммо автомашинаси чиқиш санасида истеъмолчига уни Хоразм вилоятидан олиши кераклиги айтилганидан норози бўлиб мурожаат қилган.
Шунингдек, машина кечиккан кунлар учун тузилган шартномага асосан корхонадан 0,01 фоиз пеня ундириб беришни сўраган. Нукус шаҳар истеъмолчилар ҳуқуқларини ҳимоя қилиш жамияти мутахассислари томонидан мазкур ҳолат юзасидан ўрганиш ишлари олиб борилди.
Автомашина берилиши 14 кунга кечиккани учун шартнома шартларига кўра, кечиктирилган ҳар бир кун учун 0,01 фоиздан, жами 117 минг 831 сўм пеня тўланди. Шу йилнинг 23 январь куни Cobalt Нукус шаҳрининг ўзида истеъмолчига топширилди.
Изоҳ (0)