25 январнинг эътиборга молик хабарлари — «Дарё» дайжестида.
24 январь куни Нукус тумани «Оқтерак» маҳалла фуқаролар йиғинида яшовчи Мурат Жумамуратов ва Наргиза Менглибекованинг оиласида уч эгизак туғилди.
Эътиборлиси, бундан олдинги сафар ҳам ушбу оилада икки эгизак туғилганди.
***
Юнусобод туманидаги шаҳар 1-сонли клиник болалар шифохонасининг етакчи жарроҳи Фарҳод Акромов иш жойида вафот этган.
Дастлабки маълумотларга кўра, ўлимга бош мия қон айланишининг ўткир бузилиши (инсульт) сабаб бўлган.
***
2018 йилда энг кўп томошабин тўплаган ўзбек фильмлари рейтинги тузилди.
Энг кассабоп фильмларнинг аксарияти 2018 йилнинг иккинчи ярим йиллигида премьера қилинган.
***
Шаҳзода Муҳаммедова турмушга чиққандан кейин тўйларда бошловчилик қилиш ва актрисаликни давом эттириш шартини маълум қилди.
«Ҳозир Россияда яшаётганим учун тўй хизматларига таклиф этишса йўл харажатларимни ва хизмат ҳаққимни тўлашса албатта бораман», — деди у.
***
Ўзбекистон Мудофаа вазири илк марта АҚШдаги ҳарбий ўқув машғулотларини кузатади.
Ўзбекистоннинг АҚШдаги элчихонаси берган маълумотларга кўра мамлакат мудофаа идораси вакиллари Кемп-Шелби ҳарбий базасида (Миссисипи штати) «Жанубий зарба» ўқув машғулотларининг фаол фазасини кузатиб боради.
Изоҳ (0)