Ўтган йили Ўзбекистонда йўл-транспорт ҳодисалари оқибатида ҳалок бўлганлар сони 2262 кишини ташкил қилган, дея хабар беради «Газета.uz».
2017 йил билан таққослаганда ушбу кўрсаткич 8,5 фоизга камайган, аммо рақам юқорилигича қолмоқда — кунига 6,2 киши.
Йўл ҳалокатларида жабрланганлар сони 8458 кишини ташкил қилиб 12,2 фоизга тушган.
Қайд этиш жоизки, Бутунжаҳон соғлиқни сақлаш ташкилоти ўзининг ҳисоботларида бошқача маълумотларни келтиради.
Масалан, агар 2016 йилда Ўзбекистон 2496 нафар қурбон ҳақида хабар берган бўлса, БСТ ушбу рақамни 3617 киши деб кўрсатган. БСТ рақамлардаги тафовутни турли мамлакатлардаги турли ҳисоб-китоб методологияси билан изоҳлайди.
Халқаро ташкилот Ўзбекистонда аҳоли яшаш пунктларида рухсат этилган максимал тезлик (70 км/с), хавфсизлик камарлари ва болалар ўриндиқларининг ўрнатилишида талабларнинг етарли эмаслигини қайд этган.
Изоҳ (0)