Афғонистоннинг Вардак вилоятидаги ҳарбий комплексга уюштирилган ҳужумнинг ортида турган «Толибон» қўмондони ўлдирилди. Бу ҳақда мамлакат махсус хизматларига таяниб, Reuters хабар берди.
Хабар берилишича, теракт ташкилотчиси 22 январь куни кечаси авиаҳужум вақтида йўқ қилинган. Унинг тўлиқ исми ошкор қилинмаган. Қўмондон билан бирга унинг яна етти нафар шериги ҳам йўқ қилинган.
Агентликнинг хабарига кўра, «Толибон» қўмондоннинг ўлимини тасдиқламаган.
Вардак вилоятидаги ҳарбий комплексга ҳужум 21 январда уюштирилган. Унинг оқибатида 126 нафар ҳарбий ҳалок бўлган.
Изоҳ (0)