«Ўзавтосаноат» АЖ 2018 йил декабрида 32 та дилерлик компанияси устав фондидаги улушини аукцион савдоларига қўйганди. Бу ҳақда Spot хабар бермоқда.
Компания шу пайтгача улардан 3 тасини сотишга улгурди ва ҳозирда 29 та дилерлик компаниясидаги давлат улуши қолмоқда.
Улушларни сотиш бўйича навбатдаги савдолар 28 январь куни бўлиб ўтади. Активларнинг бошланғич баҳоси 1,5 миллиард сўмдан («Бухоро Автосавдо» МЧЖдаги 20 фоиз улуш) 24 миллиард сўмгача («Автотеххизмат» МЧЖдаги 32,16 фоиз улуш) баҳоланган.
Изоҳ (0)