Франция ҳукумати Жиззахда ойна ишлаб чиқарувчи завод лойиҳасининг техник-иқтисодий асосини ишлаб чиқиш учун «Фивс Стейн» компаниясига 575 минг АҚШ доллари миқдорида грант маблағларини ажратишга қарор қилди, деб хабар берди Жиззах вилояти ҳокимлиги ахборот хизмати.
Таъкидлаш жоизки, қурилиши режалаштирилган завод жами 100 миллион АҚШ доллари миқдорида инвестицияларни жалб этиб, кунига 600 тонна шиша ишлаб чиқариш ва 200 дан ортиқ иш ўринлари яратишга мўлжалланган.
«Фивс Стейн» шиша маҳсулотларини чиқариш учун ускуналар ва технологик линияларини ишлаб чиқариш бўйича етакчи компанияларнинг бири бўлиб, халқаро миқёсда 200 йилдан ортиқ бўлган тажрибага эга.
Компаниянинг жаҳонда 30 дан ортиқ мамлакатларида 100 та филиали ва минтақавий офислари мавжуд.
Сўнгги 20 йил ичида компания Туркия, Саудия Арабистони, Бразилия ва Россия каби мамлакатларда 22 та завод қурди.
Изоҳ (0)