АҚШ президенти Дональд Трамп журналистларга КХДР раҳбари Ким Чен Ин билан учрашув бўлиб ўтадиган жойи маълум бўлганини ва тез орада бу ҳақда эълон қилишини маълум қилди. Бу ҳақда «РБК» хабар берди.
«Биз учрашув учун мамлакат танладик, аммо бу ҳақда кейинроқ эълон қиламиз. Ким Чен Ин ҳам мен ҳам буни интизорлик билан кутяпмиз», — дейди Трамп Шимолий Корея генерали Ким Кен Чхол билан бўлиб ўтган музокаралардан сўнг.
АҚШ президентининг сўзларига кўра, КХДР билан музокаралар натижасида «катта натижа»га эришилишга муваффақ бўлинган.
Аввалроқ Трамп ва Ким Чен Ин февраль охирида саммит ўтказиши ҳақида хабар берилганди. Оқ уй матбуот котиби Сара Сандерс музокаралардан сўнг Трамп ва Шимолий Корея генерали денуклеаризация масаласида келишувга келгани, бироқ ҳозирча КХДРдан санкцияларни ечиш ҳақида гап кетмаётганини маълум қилган.
Трамп ва Ким Чен Ин илк бор 2018 йилннг 12 июнь куни Сингапурда учрашган ва унинг натижаларидан мамнун эканликларини маълум қилган. Конгрессмен Майкл Макколнинг фикрича, янги учрашув Ханоеда ўтиши мумкин.
Изоҳ (0)