Япония денгизида ўқув-машғулот парвозини амалга ошириш вақтда ҳавода тўқнашган Су-34 самолётларининг икки учувчисининг жасади топилди, деб хабар беради Meduza.
Биринчи жасаднинг топилгани ҳақида Москва вақти билан 21:20 да, иккинчисининг топилгани ҳақида эса тахминан бир соатдан сўнг хабар берилган.
Ҳалок бўлган учувчиларнинг исм-фамилияси ошкор қилинмаган.
Аввалроқ, самолётлардан бирининг экипаж аъзоси тирик топилган эди. Кейинроқ Россия мудофаа вазирлиги яна бир учувчининг тирик ҳолда топилганини маълум қилган, орадан бироз вақт ўтгач бу маълумотни инкор қилган эди.
Су-34 самолётлари 18 январь куни тўқнашиб кетган эди. Тўқнашув «мураккаб метреорологик шароитда бир самолётнинг иккинчисини кўрмай қолиши оқибатида юз бергани» айтилмоқда.
Изоҳ (0)