AQSh prezidenti Donald Tramp jurnalistlarga KXDR rahbari Kim Chen In bilan uchrashuv bo‘lib o‘tadigan joyi ma’lum bo‘lganini va tez orada bu haqda e’lon qilishini ma’lum qildi. Bu haqda “RBK” xabar berdi.
“Biz uchrashuv uchun mamlakat tanladik, ammo bu haqda keyinroq e’lon qilamiz. Kim Chen In ham men ham buni intizorlik bilan kutyapmiz”, — deydi Tramp Shimoliy Koreya generali Kim Ken Chxol bilan bo‘lib o‘tgan muzokaralardan so‘ng.
AQSh prezidentining so‘zlariga ko‘ra, KXDR bilan muzokaralar natijasida “katta natija”ga erishilishga muvaffaq bo‘lingan.
Avvalroq Tramp va Kim Chen In fevral oxirida sammit o‘tkazishi haqida xabar berilgandi. Oq uy matbuot kotibi Sara Sanders muzokaralardan so‘ng Tramp va Shimoliy Koreya generali denuklearizatsiya masalasida kelishuvga kelgani, biroq hozircha KXDRdan sanksiyalarni yechish haqida gap ketmayotganini ma’lum qilgan.
Tramp va Kim Chen In ilk bor 2018-yilnng 12-iyun kuni Singapurda uchrashgan va uning natijalaridan mamnun ekanliklarini ma’lum qilgan. Kongressmen Maykl Makkolning fikricha, yangi uchrashuv Xanoyeda o‘tishi mumkin.
Izoh (0)