Олимлар Сайвит тошида ўйилган сирли объектнинг мақсади борасида ҳали ҳам бир тўхтамга келмаган. Бу ҳақда «TravelAsk» хабар берди.
Шаҳар модели ўйиб ишланган улкан тош тарихчиларнинг бир гуруҳи томонидан текширилган, бироқ унинг келиб чиқиш талқини ҳали ҳам исботланмаган. Тахминларга кўра, тошга ўйилган архитектура Инка маданиятига тегишли, бироқ бир қатор мутахассислар унинг унданда қадим даврга тегишли деган талқинни истисно қилмайди.
Перу Сайвит тоши бу 4 га 4 метрли бўлган андезит монолитидир. Сайвит археологик мажмуасидаги Апуримак минтақасида жойлашган.
Тошнинг юқори қисмида шаҳар шакли жуда пухталик билан ишланган, Андезит вулқон жинсларига тегишли эканлигини ҳисобга олсак бу ишлов бериш учун жуда қийин бўлган материал ҳисобланади.
Сайвит тошида аниқ кўринадиган уйлар, майдонлар, йўллар, қишлоқ хўжалик майдонлари, айвонлар ва ҳатто суғориш тизимини аниқ кўриш мумкин.
Қизиғи шундаки, сув каналлари ва суғориш тизими ҳақиқатга яқин акс эттирилган бўлиб, ҳақиқий каби хизмат қилади: ёмғир ёғса, сув оқимлари каналларга кириб, майдонларга ўтади ва кейин тошдан шаҳар четидан ҳосил бўлган тешиклардан оқади. Тош устида шаҳар тузилмаларидан ташқари, ҳайвонот дунёси тасвири ҳам акс этган: маймун, илон, қурбақалар ва бошқалар. Умуман олганда тош устида 200 га яқин фигуралар мавжуд.
Инканинг машҳур шаҳар ва қалъалари орасида олимлар сирли Сайвит шаҳарининг ўхшашини тополмаган, аммо шаҳар шу кунгача вайрон бўлиши мумкинлиги эҳтимоли ҳам мустасно эмас. Шунинг учун, бу қадимий шаҳарнинг бир нусхаси деган тахмин ҳам мавжуд. Эҳтимол, бу келажакда қурилиши лозим бўлган шаҳарнинг ягона макети бўлиб, у қурилмай қолиб кетган бўлиши ҳам мумкин.
Изоҳ (0)