Кения пойтахтида жойлашган бизнесни ривожлантириш фирма директори Жейсон Спиндлер 15 январь куни вафот этди. Бу ҳақда «Forum Daily» хабар берди.
Ўлдирилган америкаликнинг оиласи ижтимоий тармоқ саҳифаларида унинг 2001 йил 11 сентябрда Нью-Йоркдаги Бутунжаҳон Савдо Марказида содир бўлган террорчилик ҳужумида омон қолганини ёзган.
АҚШ Давлат департаменти ўлдирилганлар орасида америкалик фуқаро борлигини тасдиқлади, аммо унинг исмини расман эълон қилмади.
16 январь куни Кения президенти 14 кишини ҳаётдан олиб кетган, меҳмонхонага ва савдо марказига ҳужум қилган исломий экстремистларнинг ҳуқуқ-тартибот идоралари ходимлари томонидан ўлдирилганини, маълум қилган.
«Қўрқмасдан ишга қайтаверинлар. Барча террорчилар йўқ қилинди», — дейди президент Ухуру Кенятта Наироби шаҳридаги меҳмонхона мажмуаси хавфсизлигини таъминлаш бўйича операция тугаганини эълон қилиб.
Кенятта телевидение орқали мурожаатида ҳужумга қанча ҳарбийлар жалб қилинганини айтмаган. Унинг сўзларига кўра, хавфсизлик амалиёти вақтида 700 дан ортиқ киши эвакуация қилинган.«Ал-Қоида» тармоғига алоқадор аш-Шабаб экстремистик гуруҳи DusitD2 меҳмонхонасида, бар, ресторанлар, идоралар ва банкларни ўз ичига олган террорчилик ҳужуми учун жавобгарликни ўз бўйнига олди.
Изоҳ (0)