Бош прокуратура ҳузуридаги Департаментнинг Хоразм вилоят бошқармаси ҳамда Гурлан туман прокуратураси ходимлари томонидан тезкор тадбир ўтказилди, деб хабар берди Бош прокуратура матбуот хизмати.
Тезкор тадбир давомида Гурлан туман ҳокимининг ёрдамчиси У.К фуқаро У.дан уни туман мактабгача таълим бўлими тизимидаги муассасаларнинг бирига Гурлан туман MTM бўлимининг кадрлар бўйича мутахассиси орқали ишга киритиб қўйиш эвазига 600 АҚШ доллари олган вақтда ашёвий далиллар билан ушланган.
Департамент ходимлари томонидан У.Книнг кўрсатмасига асосан тезкор тадбир давом эттирилиб, туман MTM бўлимининг кадрлар бўйича мутахассиси М.М туман ҳокими ёрдамчиси У.К билан учрашиб олдиндан келишилган 600 АҚШ долларини олган вақтда ашёвий далиллар билан ушланган.
Мазкур ҳолат юзасидан фуқаролар У.К ва М.Мларга нисбатан Ўзбекистон Республикаси ЖКнинг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)