Наманган вилоятида ишсизлик кўрсаткичи анча юқори. Бу борада вилоятда қандай чора-тадбирлар амалга оширилмоқда? ЎзА ушбу савол билан вилоят ҳокими Хайрулло Бозоровга мурожаат қилди.
— Вилоятда меҳнатга лаёқатли аҳоли сони 1561,9 минг кишини, банд аҳоли сони 1057,3 минг кишини, шундан доимий ишга эга бўлмаган фуқаролар сони 108,2 минг кишини ёки ишсизлик даражаси 9,3 фоизни ташкил этмоқда. Ушбу кўрсаткич амалга оширилган ишлар натижасида 2018 йил бошига нисбатан 0,8 фоизга камайишига эришилган. Ишсизларнинг 54,2 минг нафари (50,1 фоиз) аёллар, 59,5 минг нафари (55,0 фоиз) ёшлар ҳиссасига тўғри келади.
Иш ўринларини ташкил этиш ва аҳоли бандлигини таъминлаш мақсадида вилоятда 2018 йил давомида барча йўналишларда 22506 та, Президентнинг 2018 йил 2—3 май кунлари Наманган вилоятига ташрифлари доирасида қабул қилинган дастурга асосан 48782 та иш ўринлари яратилди.
Шунингдек, «Обод қишлоқ», «Обод маҳалла», «Ҳар бир оила-тадбиркор» ва «Ёшлар келажагимиз» дастурларини қабул қилиниши минглаб қўшимча иш ўринлари яратиш имконини бермоқда.
Хусусан, «Ҳар бир оила тадбиркор» дастури бўйича кредитлар ва таъминотчи корхоналари павилони ташкил этилиб, 9839 нафар фуқаро ва тадбиркорлик субъектларига 116 миллиард сўм, «Ёшлар келажагимиз» давлат дастури доирасида 164 та тадбиркорлик субъектларига 40,6 миллиард сўм имтиёзли кредит маблағлари ажратилди.
Шунингдек, 7,1 миллиард сўм микрокредитлар ажратилиши ҳисобига 863 нафар кам таъминланган фуқаронинг бандлиги таъминланди.
Президентнинг 2018 йил 26 апрелдаги «Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида»ги қарорига асосан 252 нафар фуқаро ва тадбиркорлик субъектларига 10,2 миллиард сўм имтиёзли кредит маблағлари ажратилди.
Бундан ташқари, Бандлик органлари томонидан 25343 нафар ишсиз халқ хўжалигининг турли тармоқларига ишга жойлаштирилди. 2017—2018-ўқув йилида 34904 нафар ёш касб-ҳунар коллежларини тамомлаб, ҳозирда улардан 26987 нафари иш билан таъминланди.
Меҳнат бозоридаги вазиятдан келиб чиққан ҳолда, 2019 йил давомида вилоятда ишсизлик муаммосини бартараф этиш бўйича ижобий ўзгаришларга эришилиши кутилмоқда. Жумладан:
2019 йилда жами 28 858 та иш ўринлари яратиш дастури ишлаб чиқилди. Йирик лойиҳаларда 3345 та, кичик лойиҳаларда 5 855 та, фаолият кўрсатмаётган, самарасиз фойдаланилаётган бинолар ва қурилиши тугалланмаган объектлар негизида 757 та, ижтимоий ва бошқа объектлар ҳисобига 500 та, давлат-хусусий шерикчилик асосидаги объектлар ҳисобига 915 та, ҳунармандчиликни ривожлантиришда 2645 та ва тижорат банкларининг кредит маблағлари ҳисобига 14841 та иш ўрни ташкил этилади.
Наманган вилоятини 2019—2020 йилларда ижтимоий-иқтисодий ривожлантириш дастури доирасида умумий қиймати 12 триллион 858 миллиард 918 миллион.сўмлик 1476 та лойиҳа амалга оширилиши натижасида 34198 та иш ўрни яратилиши режалаштирилмоқда.
Хорижий давлатларнинг инвестицияларини кенг жалб қилиш ишлари жадаллик билан олиб борилмоқда. Хусусан, 2019 йилда умумий қиймати 200 миллион доллар миқдоридаги тўғридан-тўғри хорижий инвестицияларни ўзлаштириш режалаштирилган. Бунинг натижасида 3 мингдан зиёд иш ўрни яратилиб, аҳолининг бандлиги таъминланишига эришилади.
Изоҳ (0)