Матбуот ва ахборот агентлиги бош директори Комил Алламжонов «1984» ва «Рақамли қалъа» номли китобларни таржима қилганлиги ҳамда уларда йўл қўйилган хатоликлар учун эътирозига сабаб бўлган Фируз Аллаевнинг Facebook’даги постига муносабат билдирди.
Аллаев ўз постида бошқа китоб таржимаси билан шуғулланмаслигини қайд этган.
«Ҳурматли Фируз, сиз қўл урган иш бугун ўлик бир йўналиш ва сиз йўл қўйган хато — бу тузатса бўладиган ҳолат. Бошлаган лойиҳангизни тугатиб, айрим одамларнинг танқиди туфайли шаштингиздан қайтишингиз жуда ачинарли ҳолат бўлади», — таъкидлаган Матбуот ва ахборот агентлиги бош директори.
«Ҳар қандай одам хато қилишга ҳақли. Сиз ҳозир кўзимизга милтиллаб ёнган оловдек кўриндингиз. Сўнмаслигингизни хоҳлаймиз ва бунинг учун қандай ёрдам керак бўлса, беришга тайёрмиз. Сизни қаттиқ танқид қилаётганларга эса, милтиллаган оловни сўндирмаслик, Фирузни ўз устида яна ҳам жиддий ишлашига мадад бўлишингизни сўрайман!» — дея далда берган Алламжонов.
Изоҳ (0)