Шоир Ҳазиний туғилиб ўсган Фарғона вилоятининг Катта кенагас қишлоғидаги уй-музей ва унинг ёнида жойлашган мақбарада комплекс ва мукаммал таъмирлаш ишлари олиб борилиб, зиёратчилар учун гўзал масканга айлантирилди. Бу ҳақда «Халқ сўзи» хабар берди.
Мақбара ва уй-музейни капитал таъмирлаш ва экспонатлар билан бойитиш учун давлат бюджетидан 1 миллиард 200 миллион сўмдан ортиқ маблағ ажратилди. Ҳозирда музей ва мақбарада қурилиш-монтаж ва пардозлаш, экспонатлар учун махсус витриналарни жойлаштириш ишлари давом этмоқда.
—2019 йилнинг биринчи чорагида 200 дона экспонат, Ҳазиний даврини ёритиб берувчи уй-рўзғор буюмлари, ранг тасвир асарлари, меҳнат қуроллари билан бирга шоир ва унинг замондошлари ижодига мансуб китоблар, мақолалар ҳамда тошбосма китобларни босқичма босқич келтириб жойлаштирамиз. Таъмирлаш ва ҳужжатлаштириш ишлари якунлангач Фарғона вилояти тарихи ва маданияти давлат музейининг филиали сифатида уй-музей 10 нафар ходим билан расман фаолият бошлайди, – дейди Фарғона вилояти тарихи ва маданияти давлат музейи раҳбари Баҳодир Ҳошимов.
Изоҳ (0)