Ўзбекистон ёшлар иттифоқи «Ёшлар кутубхонаси» рукни остида 200 номдаги китобни чоп этиш учун 10 миллиард сўм ажратди. Бу ҳақда «Дарё«га Ёшлар медиа маркази маълум қилди.
2018—2019 йиллар давомида барча умумтаълим мактаблари ва олий таълим муассасаларига ўзбек мумтоз адабиёти ва жаҳон адабиётининг дурдона асарлари етказиб берилади. Ушбу китоблар Қорақалпоғистон Республикаси, Тошкент шаҳри ва вилоятлар бўйлаб тарқатилади.
—Келгуси йилда китобларни рус ва инглиз тилларида ҳам чоп эттириш ҳамда чекка-чекка қишлоқларга етказиб беришни мақсад қилганмиз, — дейди Ўзбекистон ёшлар иттифоқи Марказий кенгаши раиси ўринбосари Дилноза Каттаханова.
Ҳозирда Марказий кенгаш қошидаги «Ёшлар нашриёт уйи»да 47 номдаги бадиий китоб 10 минг нусхадан жами 470 минг дона чоп этилди. Мазкур китоблар республикадаги 9636 та мактаб ва 85 та олий таълим муассасасига етказиб берилиши белгиланган.
Изоҳ (0)