«Ватанпарварлик ойлиги» доирасида Шарқий ҳарбий округи Андижон вилоятидаги Сафарбарлик чақируви резерви баталёни ҳамда жамоат ташкилотлари билан ҳамкорликда Бўз, Избоскан ва Пахтаобод туманларидаги ўнга яқин маҳаллаларда «Ватан – муқаддас, уни ҳимоя қилиш шарафли бурчдир!» шиори остида давра суҳбатлари ўтказилди. Бу ҳақда «Дарё» мухбири Миролим Исажонов хабар бермоқда.
Унда ўқувчи ёшлар, маҳалла фаоллари, нуронийлар иштирок этди. «Ватанпарварлик ойлиги»нинг мазмун-моҳияти, ҳарбий соҳада олиб борилаётган ислоҳотлар ҳақида ўзаро суҳбатлар олиб борилди.
– Ҳарбий қисмлар, маҳалла ҳамда таълим муассасаларинин ўзаро ҳамкорлиги фуқароларда ватанпарварлигик руҳини янада оширишда яхши самара бермоқда. Ёшларнинг ҳарбий соҳага доир фикрларидан уларнинг ушбу соҳага қизиқиши янада ортаётганини гувоҳи бўлдик, – дейди капитан Улуғбек Янгиев.
Шунингдек, тадбир давомида хизмат вазифасини ўтаётган вақтда қаҳрамонларча ҳалок бўлган избосканлик Маҳмуджон Жалилов ҳамда Пахтаобод туманида яшаган Дониёрбек Тожибоевларнинг хонадони ва улар таҳсил олган мактабларга ҳам ташриф буюрилди. Шу куни юзлаб мактаб ўқувчилари ҳарбий қисмга саёҳатга таклиф этилди.
Изоҳ (0)