14 январь — Ватан ҳимоячилари куни муносабати билан 2000 йилдаги Сариосиё воқеларида мардлик ва жасорат кўрсатган юрти ҳимоячиларига бағишланган «Ҳаёт» фильми Ўзбекистон миллий телерадиокомпанияси тасарруфидаги телеканалар орқали эфирга узатилади. Бу ҳақда Мудофаа вазирлиги матбуот хизмати «Дарё»га маълум қилди.
Фильм намойиши:
- 13 январь куни «Ўзбекистон» телеканалида — соат 22:00 да;
- 14 январь куни «Кинотеатр» телеканалида — соат 15:40 да;
- 14 январь куни «Ёшлар» телеканалида — соат 22:10 да.
Маълумки, 2000 йил август ойида жанубий сарҳадларимизга суқулиб кирмоқчи бўлган халқаро террористик гуруҳларга қарши олиб борилган кураш чоғида Ўзбекистон Қуролли Кучлари Maxсус операция кучлари баталонининг 21 нафар ўзбек ўғлони қаҳрамонларча ҳалок бўлган.
Фильм режиссёри Ҳилол Насимов ўзининг «Тубанлик», «Odnoklassniki.ru», «Ажал жодуси» каби картиналари билан танилган. Ушбу фильмлар негизида терроризм ва экстремизмга қарши кураш ётади.
Изоҳ (0)