Лас-Вегас полицияси «Ювентус» ҳужумчиси Криштиану Роналдунинг ДНК намунасини олиш учун ордер берди. Бу ҳақда Wall Street Journal нашри хабар берди.
Полиция Роналдуни зўрлашда айблаган аёлнинг (Кетрин Майорга) либосидаги намуналар билан ўйинчининг генетик таҳлилларини таққослайди.
Лас-Вегас полицияси вакиллари аллақачон ордерни Италия суд хизматига юборган.
2018 йилнинг сентябрида америкалик модель Кетрин Майорга 2009 йил июнь ойида Роналду уни Лас-Вегасда зўрлагани ҳақида маълум қилганди.
Кейинчалик 2010 йилда Майорга футболчининг адвокатлари билан келишув шартномасини имзолаган ва жим юриши учун 375 минг доллар олгани ҳақида хабар берилди. 2018 йил сентябрь ойида эса полиция ишни қайтадан очди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)