Самарқанд вилояти Каттақўрғон шаҳрида ёш тадбиркор аёл Мавлуда Шерова ташаббуси билан ташкил этилган меҳмонхонанинг тантанали очилиш маросими бўлиб ўтди. Бу ҳақда «Дарё»га Хотин-қизлар қўмитаси матбуот хизмати хабар берди.
Айтиш жоизки, мазкур меҳмонхона Каттақўрғон шаҳридаги илк меҳмонхона саналади.
Тадбирда Ўзбекистон Республикаси Бош вазир ўринбосари, Хотин-қизлар қўмитаси раиси Танзила Нарбаева, тадбиркор аёллар, вилоят ва шаҳар фаоллари иштирок этди.
12 ўринга мўлжалланган мазкур меҳмонхона замон талабларига жавоб берадиган тарзда жиҳозланган бўлиб, барча қўлайликларга эга.
Тадбир иштирокчилари янги меҳмонхона шарт-шароитлари билан танишди.
Дарвоқе, мазкур меҳмонхонани ташкил этишда Мавлуда Шеровага қайнонаси яқиндан ёрдам берган.
Изоҳ (0)