Шу йил 5 январь куни Тошкент вилояти, Янгийўл туманида яшовчи Ж.Н. номаълум шериги билан бирга Тошкент шаҳрининг Учтепа тумани, Лутфий кўчасида жойлашган Pepsi market дўконида фуқаро Д.У.ни уриб, жароҳат етказиб, 2 миллион сўм пулини тортиб олиб кетган. Бу ҳақда ИИВ жамоатчилик ва ОАВ билан алоқалар бошқармаси хабар берди.
Ҳолат юзасидан жиноят иши қўзғатилган эди.
Кўрилган чоралар натижасида талончиликни Ж.Н. ва унинг шериги, Андижон вилояти Хўжаобод туманида яшовчи 19 ёшли А.Х. содир этганликлари аниқланиб, ушланди.
Тергов давом этмоқда.
Изоҳ (0)