7—9 январь кунлари Жанубий Кореянинг Пусан чет тиллар университети билан ҳамкорликда Самарқанд Давлат Университети Халқаро қишки мактаб ташкиллаштирди. Ташкилотчилар келажакда бу ижобий тадбирнинг бир анъанага айланиб қолишига ва ҳар бир семестрда муайян бир тилшунослик мавзусига бағишланиб ўтказилиб боришига умид қилмоқда.
Самарқанд давлат университети ўзининг интенсив таълим курслари ва илмий фаолияти туфайли Ўзбекистон ОТМлари орасида ўз ўрнига эга, динамик равишда ривожланаётган университетлардан биридир. Айтиш жоизки, мазкур Халқаро қишки мактаб нафақат СамДУда, балки республикада биринчилардан бўлиб ташкил этилаётган бўлиб, бу олий таълим муассасасининг халқаро таълим стандартларига ўтиш йўлида жиддий қадамлар қўяётганлигидан далолатдир.
Ушбу мактабга мамлакатнинг турли бурчакларидан ташриф буюрган 100 дан ортиқ амалиётчи ва бўлғуси тил ўқитувчилари чет тилларни ўқитиш масалаларига бағишланган бундай жиддий тадбирни ташкил қилганликлари учун университет маъмуриятига миннатдорчилик билдиришди.
Ушбу Халқаро Қишки мактаб унда қатнашувчиларга «21-асрда ўқитувчилар тайёрлаш ва профессионал ўсиш» мавзусида жиддий назарий ва амалий дарслар ўтиш ва маълумотлар бериш мақсадида ташкил қилинди. Уч кун ичида, қатнашувчилар турли семинарларга жалб қилинди. Мактабнинг дастурига аралаш курслар ва синф хонасини тубдан ўзгартириш, лойиҳаларга асосланиб ўрганиш, таълимда замонавий усулларни қўллаш, юқори нуфузли журналларда чоп қилиш, синфни бошқариш, университет-ишлаб чиқариш соҳаси ҳамкорлиги, 21-асрда тил ўрганиш ва ўргатиш, таълим соҳаси ислоҳотлари, талабга жавоб берадиган таълим мазмуни таклиф қилиш каби ҳозирки кунда чет тилларини ўқитишда муҳим масалалар киритилганди.
Халқаро қишки мактаб тренери, ўзбекистонлик мутахассис, амалий тилшунослик соҳаси эксперти, фан доктори Азамат Акбаров, бундай улкан тадбирни ташкил қилишда ўз хизматларини кўнгилли тарзда таклиф қилди. Ҳозирда у Жанубий Кореянинг Пусан чет тиллар университети профессориридир. Унинг умумий инглиз тили ва амалий тилшуносликнинг турли жабҳаларида катта тажрибага эга, ва бу соҳаларда кўплаб мақола ва илмий ишлар чоп қилган. Шунингдек, Акбаровнинг турли тилларда ишлаш тажрибаси ҳам бор. У француз, қозоқ, турк, рус, корейс, босния ва ўзбек, ҳамда инглиз тилларида иш олиб борган. У Халқаро Чет тилларни ўқитиш ва амалий тилшунослик конференцияси раиси, Қозоғистон амалий тилшунослик ассоциацияси президенти, Чет тилларни ўқитиш ва амалий тилшунослик журнали (Foreign Language Teaching and Applied Linguistics) бош муҳаррири.
Дастур ишлари тугагач, тадбирга қатнашган мутахассисларга ҳалқаро стандартда сертификатлар топширилди.
Изоҳ (0)