Мудофаа вазирлиги Спорт клуби стадионида «Ватанпарварлик ойлиги» доирасида футбол мусобақаси бўлиб ўтди. Унда фахрийлардан таркиб топган «Сергели» ва «Мудофаа вазирлиги» футбол жамоалари ғолиблик учун тўп сурди, деб хабар беради вазирлик матбуот хизмати.
«Майдонда худди навқирон футболчилардек ҳаракат қилган фахрийлар тўқнашуви муросасиз тус олди. Ўйин биринчи таймида ҳимоявий-ҳужум тактикасига асосланган бўлса-да, дарвозалар дахлсизлигича қолди: 0-0. Иккинчи таймда «Мудофаа вазиргиги» жамоаси ҳисобни очди. Орадан кўп вақт ўтмай, «Сергели» фахрийлари жамоаси ҳисобни тенглаштирганига қарамай, шу дақиқанинг ўзида рақиб жамоа яна бир бор дарвозабонни доғда қолдиришга эришди: 2-1», дейилади хабарда.
«Сергели»нинг тинимсиз амалга оширган комбинациялари натижасида, улар сўнгги дақиқаларда гол уришга муваффақ бўлиб, ҳисобни тенглаштирган. Қолган дақиқалар ҳам тенг курашлар остида кечди. Асосий вақтда ғолиб аниқланмагани туфайли ҳакам пенальтилар сериясига старт берди. Пенальтилар бўйича «Мудофаа вазириги» жамоасидан «Сергели» 3-2 ҳисобида устун келди.
Ғолибларга кубок, диплом ва эсдалик совғалари топширилди.
Изоҳ (0)