Вазирлар Маҳкамасининг «Халқ таълими тизимидаги оммавий ахборот воситалари ролини янада ошириш тўғрисида»ги қарори лойиҳаси норматив-ҳуқуқий ҳужжатлар лойиҳалари муҳокамаси порталига жойлаштирилди.
Қарорга кўра, Халқ таълими вазирлиги тизимидаги ўндан ортиқ газета-журнал таҳририяти базасида ягона юридик шахс шаклида «Халқ таълими нашриётлари» давлат унитар корхонаси ташкил этилади.
Мазкур ҳужжат Президентнинг тегишли қарори билан тасдиқланган «2018 — 2021- йилларда Ўзбекистон Республикаси халқ таълими тизимини янада такомиллаштириш бўйича чора-тадбирлар дастури» ижросини таъминлаш мақсадида ишлаб чиқилган.
Тузилиши кўзда тутилган «Халқ таълими нашриётлари» ДУК ходимларига Халқ таълими вазирлиги ходимлари учун ўрнатилган тартибда Тошкент шаҳрида доимий рўйхатга туришлари, уй-жой учун ипотека кредитлари олиш имконияти яратилиши кўзда тутилган.
Изоҳ (0)