Тошкент шаҳри марказида жойлашган ва 1891 йилда қурилган князь Романов қароргоҳи яқин вақт ичида музей сифатида ўз эшикларини очади. Бу ҳақда Маданият вазирлиги вакилларига таяниб, «Новости Узбекистана» хабар берди.
2018 йилда Ташқи ишлар вазирлиги балансидан пойтахт ҳокимияти балансига ўтказилган бинони музей сифатида очиш режалаштирилмоқда.
Маданият вазири ўрионбосари Камола Оқилованинг маълум қилишича, бу тарихий объектни музей сифатида очиш режаси мавжуд. Бино реставрация қилинса, князь Романовнинг беқиёс коллекцияси резиденцияга музей сифатида қўйилиши мумкин.
Вазир ўринбосари музей очилишининг аниқ санасини айтмаган, бироқ шу йўналишда ишлар олиб борилаётганини қайд этган.
Изоҳ (0)