Франция ҳарбий-ҳаво кучларининг 9 январь куни эрталаб радарлардан йўқолиб қолган Mirage 2000D қирувчи самолёти Франция шарқида ҳалокатга учраган, самолёт бўлаклари топилди, деб ёзади «РИА Новости».
Аввалроқ бортида икки киши бўлган самолёт Нанси-Оше авиабазасидан ҳавога кўтарилгани, қирувчи Юра тоғ массиви устидан учиб ўтаётган вақтда, у билан алоқа йўқолгани хабар берилган эди.
Франция мудофаа вазирлиги Mirage 2000D қирувчиси билан алоқа йўқолгани ҳақидаги маълумотни тасдиқлади. Таъкидланишича, самолёт Су ва Юра департаментлари чегараси осмонидан паст баландликда ўқув-синов машғулотларини амалга ошираётган эди.
Ҳалокат жойидан парашют топилган. Экипаж аъзоларини қидириш операцияси давом этмоқда.
Изоҳ (0)