Қозоғистоннинг Шарқий Қозоғистон вилоятида яшовчи Булатхановлар оиласи дастлаб қиз фарзандли бўлган. Олти йилдан сўнг уларнинг икки эгизак ўғли туғилган. Яна тўрт йилдан кейин эса уч нафар эгизак қиз дунёга келган. Бу ҳақда «Nur.kz» хабар берди.
Энг катта қизнинг исми Мелане бўлиб, у 13 ёшда. Унинг етти ёшли икки укасининг исми Вислан ва Бислан. Уларнинг учаласи ҳам мактабга боради.
Болаларнинг онаси Екатерина айни пайтда уч ёшда бўлган уч нафар қизчаси Райана, Ислана ва Марямни тарбияламоқда.
Болаларнинг отаси Ринатнинг айтишича, кичкиналарннг характерини билмаган киши уларни ажрата олмайди, ҳатто унинг ўзи ҳам баъзан адашиб кетади. Отанинг сўзларига кўра, уларнинг узоқ қариндошларида икки ва уч нафар эгизак туғилган ҳолатлар бўлган.
Изоҳ (0)