Тожикистоннинг Хатлон вилояти Кушониён тумани Малик Гиёев қишлоғида Магнитогорскдаги газ портлаши оқибатида ҳалок бўлган Ражабмо Исоева ва унинг уч нафар фарзанди дафн этилди, деб хабар берди «ASIA-Plus».
Бугун соат 10:00 да марҳумларга жаноза намози ўқилди.
Кушониён туманининг турли ҳудудларидан келган юзлаб одамлар Ражабмо ва унинг фарзандларини сўнгги манзилга кузатди.
Дафн маросимида туман маъмурияти вакиллари, Хатлон вилояти миграция бўлими бошлиғи Maxмуджон Хоркашев, мамлакат ИИВнинг вилоят бошқармаси раиси Искандар Солиҳзодалар ҳам иштирок этди.
Вилоят маъмурияти марҳуманинг яқинларига таъзия билдириб, ҳалок бўлганларнинг оилаларига кўмак беришга тайёрлигини билдирди.
Она ва уч нафар болалар қабристонда ёнма-ён дафн этилди.
24 ёшли Ражабмо Исоева ва унинг уч фарзанди Аҳмад, Фотима ва Муҳаммаднинг жасади 7 январга ўтар кечаси Душанбега олиб келинди. Жасадлар Магниторскдан Екатеринбургга, кейин Душанбега етказилди.
Қайд этилишича, жасадлар ва уларга ҳамроҳлик қилувчиларни Екатеринбургдан Душанбега олиб келиш харажатларини «Сомон Эйр» авиакомпанияси кўтарган.
Изоҳ (0)