Ёқутистонда полициячи 100 минг рубль топиб эгасига қайтарди

Россиянинг Ёқутистон вилоятида 100 минг рубль тушириб қолдирган фуқарога пуллари қайтарилди. Бу ҳақда «РИА Новости» хабар берди.

Ёқутистонлик фуқаро 29 декабрь куни банкдан ечиб олган катта миқдордаги пулларини кўчада тушириб қолдирган.

Шу куни ҳудудни кўздан кечираётган Губинский округи бўйича жавобгар полициячи Леонид Лебедев йўқотилган пулларни топиб олган. Қорда ётган беш мингталик купюра ҳақида полициячи навбатчи қисмга хабар берган.

Шунингдек, у пул топилган жойга яқин бўлган аптека раҳбарининг телефони рақамини олган. Аммо кузатув камерасидаги ёзувни фақат байрамдан кейин кўриш имкони бўлган.

Пул эгаси 4 январь куни ижтимоий тармоқлар орқали эълон қилинган хабар орқали топилган.

Эркак ўша ҳудудда тушиб қолган автомобиль маркасини ҳамда аниқ сумма ва купюралар номиналини ҳам тўғри айтиб берган. Пулларни қайтариб олган фуқаро полициячига миннатдорчилик билдирди ва мўъжизага ишонмаганлигини айтган.

Участка нозирининг сўзларига кўра, эълондаги пулларга ўн киши даъвогарлик қилган аммо уларнинг бирортаси аниқлаштирувчи саволларга тўғри жавоб бера олмаган.