Хитойда янги турдаги бомба яратилди

Хитойнинг NORINCO давлат саноат корпорацияси илк бор янги турдаги авиация бомбасини тақдим этди. Бу ҳақда «Tengrinews» хабар берди.

Янги турдаги бомба Хитойда энг кучли ноядровий бомба саналади.

Бомбани яратувчилар унга «барча бомбаларнинг онаси» дея ном берилган. У ўз кучида фақат ядро қуролига ён босади. Унинг вазни бир неча тонна бўлиб, ҳажми бўйича бомбардимон фақат биттасини олиб ўтиш имконига эга.

Илк синовлар ўтказилган — бомба H-6К бомбардимонидан ташланган ва улкан портлаш содир этилган. Синов ўтказилган жой маълум қилинмаган.

Ҳарбий аналитикларнинг сўзларига кўра, бомба ердаги исталган мўлжални йўқ қила олади. Қуролни муҳандислик мақсадларида, айтайлик, десантлар туширилган ҳудудларни тозалашда қўллаш мумкин.