Қатл этилган Ироқ раҳбари Саддам Ҳусайннинг тўнғич қизи ўзининг Twitter’даги саҳифасида отасининг ўлими олдидан айтган сўзлари акс этган мактубни жойлади. Бу ҳақда «Tengrinews» хабар берди.
Ушбу хат 2006 йилнинг 30 декабрь куни амалга оширилган қатлдан тўрт кун олдин ёзилган.«Менинг олийжаноб халқим, мен сени ва ўз қалбимни Яратганга ишониб топшираман. Оллоҳ буюкдир. У ўзига ишонганларни ҳимоя қилади», — дейилади «Саддам Ҳусайн, республика президенти ва қуролли кучларининг олий қўмондони» деб имзо чекилган мактубда. Ушбу мактуб эълон қилингач Саддам Ҳусайн қизининг аккаунти йўқолди.Саддам Ҳусайннинг қизи Роҳат Иорданияда яшайди. Ушбу мамлакатга Роҳат 2003 йилда АҚШ Ироққа кириб, унинг отаси президентлик лавозимидан «йиқитилганидан» сўнг кўчиб ўтган.
Ҳар йили 30 декабрь куни у ироқликларга хавфсизлик ва барқарорликни тиклашга чақирилган мурожаат қилади.Бу йил ҳам Роҳат ўз мурожаатида Ироқ отаси ҳукмронлиги даврида шарқий дарвозаларни ишончли ҳимоячиси бўлганлигини, шунингдек, ҳеч ким мамлакат суверенитетига тазйиқ ўтказа олмаганини қайд этган.У Ироқда инсоний ва аҳлоқий қадриятлар йўқолганини танқид қилди. Шунингдек, Америка босқинини қоралаб, АҚШни Ироқ халқининг қийноқларида айбдор деб атади.
Изоҳ (0)