5 январь, шанба куни футбол бўйича Осиё Кубоги—2019 мусобақаси бошланади.
БАА мезбонлигида ўтадиган мусобақанинг дастлабки ўйинида одатга кўра «А» гуруҳи жамоалари иштирок этади.
Унга кўра, мезбон БАА терма жамоаси мусобақанинг илк ўйинида Баҳрайн термаси билан кураш олиб боради. Беллашув Тошкент вақти билан 21:00 да бошланади. Ўйинни мусобақа трансляция ҳуқуқини сотиб олган Sport-TV телеканали жонли эфирда намойиш этади.
Маълумот учун, Осиё Кубоги—2019 мусобақасида тарихда илк бор 24 та жамоа иштирок этмоқда. Терма жамоалар 6 та гуруҳга ажратилган. Уларда 1 ва 2-ўринларни банд этган клублар тўғридан-тўғри плей-оффга йўл олади. Шунингдек, ўз гуруҳида 3-ўринни эгаллаган 4 та жамоа ҳам кейинги босқичга чиқади.
Эктор Купер бошчилигидаги Ўзбекистон терма жамоаси мусобақанинг «F» гуруҳида Япония, Уммон ва Туркманистон терма жамоалари билан кураш олиб боради.
Ўзбекистон терма жамоаси иштирок этадиган «F» гуруҳи ўйинларининг тақвими қуйидагича кўриниш олган:
Осиё Кубоги—2019
Ф гуруҳи ўйинлари
2019 йил 9 январь
1-тур беллашувлари
Япония – Туркманистон, Абу-Даби, соат 16:00
Ўзбекистон – Уммон, Шаржа, соат 18:30
2019 йил 13 январь2-тур беллашувлари
Уммон – Япония, Абу-Даби, соат 18:30
Туркманистон – Ўзбекистон, Ал-Айн, соат 21:00
2019 йил 17 январь3-тур беллашувлари
Уммон – Туркманистон, Абу-Даби, соат 18:30
Япония – Ўзбекистон, Ал-Айн, соат 18:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)