Самарқанд шаҳрида 2 январь куни Самарқанд туманида яшовчи 35-мактабнинг 9-синф ўқувчиси Д.Х. ҳужжатларсиз бобоси номидаги Lacetti автомобилини «Зарафшон» шоҳкўчасида ҳайдаб кетаётиб, қаршисидан ҳаракатланиб келаётган Matiz билан тўқнашув содир этган. Бу ҳақда ИИВ жамоатчилик ва ОАВ билан алоқалар бошқармаси хабар берди.
ЙТҲ оқибатида Matiz ҳайдовчисининг 3 ёшли ўғли жароҳат олиб, воқеа жойида ҳалок бўлган. Ҳайдовчи, унинг турмуш ўртоғи ва бир ёшли қизи жароҳат олиб, касалхонага ётқизилган.
Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)