Қибрайда коллеж ўқувчиси Spark автомобилида ички ишлар ходимини уриб юборди

Шу йилнинг 2 январь куни Тошкент вилоятининг Қибрай туманида яшовчи Агротадбиркорлик касб-ҳунар коллежи ўқувчиси Ш.А. Spark автомобилида Улуғ йўл кўчасида вилоят ИИБ ходимини уриб юборди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Ўқувчи машинани тегишли ҳужжатларсиз бошқарган.

ЙТҲ оқибатида ходим «бош мия очиқ жароҳати ва 2-3 даражали кома ҳолати» ташхиси билан касалхонага ётқизилган.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.