Олмаоталик велосипедда ҳажга йўлга чиқди

Олмаоталик Талгат Жумабеков велосипедда Маккага ҳаж сафарига отланди, деб ёзади Tengrinews.

Зиёратчи ўзи билан барча зарур буюмлар ва бироз пул олган.

Ўз сафари йўналишини қозоғистонлик олдиндан режалаштириб олди. У Туркистондан чиқиб кетишга, сўнг Чимкент орқали Маккага боришга қарор қилди.

«Маккага тахминан февраль ойида етиб бораман, ой охирида етиб бораман деб умид қиламан. Бу велосипеддаги биринчи сафари эмас, Европада, кўп жойларда бўлганман. Умуман олганда, ҳеч нарсадан қўрққаним йўқ, Парвардигорга ишонаман, бошқа кимга ҳам бўларди? Ўз йўлимни Туркистондан бошладим. Етиб боргач, мамлакатимизда тинчлик бўлиши ҳақида дуо қиламан», — деди Талгат Жумабеков.

Йўлда зиёратчи Тошкентга ва йўл ўтган бошқа мамлакатлар пойтахтларига ҳам кириб ўтади. Эркак иссиқ палаткада ёки кучли зарурат бўлса, меҳмонхонада тунайди.