Владимир Путин билан Россияга музокаралар ўтказиш учун учиб келган Беларусь президенти Александр Лукашенко Янги йилга унга тўрт қоп картошка ва чўчқа ёғи совға қилди. Бу ҳақда «Вести.ru» хабар берди.
«Билишимча, Россия президенти яхши чўчқа ёғини яхши кўради», — дейди Лукашенконинг матбуот котиби Наталья Эйсмонт. Ўтган галги ташрифида ҳам Лукашенко Путинга энг ширин ёғни олиб келганди.
Совға жуда қимматли бўлиб, картошка Беларусь президентининг полизидан терилган.
Бир неча кун аввал Александр Лукашенко Путин билан энергоманбаларнинг нархлари ва Россиянинг солиқ манёври ҳақида телефон орқали гаплашганда, Лукашенко ярим ҳазил аралаш Путинга нима совға олиб келиши ҳақида сўраган эди. Жавоб айнан шундай бўлган: «Беларусдан яна нима сўраш мумкин? Картошка ва чўчқа ёғи-да».
Картошкаларнинг тўрт хил нави келтирилган! Ҳар бир нав алоҳида тайёрланиш учун мўлжалланган: қовуриш, дранка, пюре ва қайнатиш учун. Ҳар бир қопга нав турлари ёзиб қўйилган.
Бундан ташқари Янги йилга Александр Лукашенко МДҲ раҳбарларига эксклюзив арча ўйинчоқлари совға қилди. Совғалар 6 декабрь куни Санкт-Петербургда ўтган Ҳамдўстлик мамлакатлари раҳбарларининг норасмий учрашувида инъом қилинди. Шундай қилиб Путин янги йил олдидан яна иккита қўшимча совға олди.
Путин билан 29 декабрь куни ўтган музокаралардан сўнг Лукашенко Қизил майдонда хокей ўйнаш таклифидан бош тортди. У Янги йил олдидан уни Минскда қолдириб бўлмас ишлар кутаётганини баҳона қилди.
Изоҳ (0)