28 декабрь куни Самарқанд вилояти Ургут тумани Бойбўл МФЙ ҳудудида ис газидан заҳарланиш оқибатида уч нафар фуқаро вафот этган, деб хабар берди ФВВ матбуот хизмати.
Ушбу бахтсиз ҳодиса ностандарт газ баллони ва иситиш мосламаси (горелкаси)дан фойдаланиш оқибатида юзага келган.
Мутахассисларнинг хулосасига кўра, қўлбола истиш мосламасининг дудбурони ҳамда ётоқхонада ҳаво алмашиш тизими ўрнатилган тартибда бўлмаганлиги сабабли, суюлтирилган газни ёниши натижасида ҳосил бўлган ис гази хона ичида тўпланган ва фуқаролар ўлимига сабаб бўлган.
«Ҳурматли юртдошлар, газ ва бошқа турдаги ёқилғида ишлайдиган иситиш печларидан фойдаланишда хавфсизлик қоидаларига амал қилинг. Ностандарт ва қўлбола иситиш печлари ҳамда газ баллонларидан фойдаланманг.
Ўзингиз ва яқинларингизни ис газидан заҳарланишларидан огоҳ бўлинг!», — дейилади ФВВ хабарида.
Изоҳ (0)