Қоҳиранинг Ал-Ҳарам тумани ҳудудида салонида вьетнамлик сайёҳлар бўлган автобус портлатилди. Бунинг оқибатида 4 киши, жумладан, уч нафар хорижлик ҳалок бўлди, 12 киши жароҳатланди, дея хабар беради «РИА Новости».
Автобус ўтган кўчадаги деворга ўрнатилган портловчи қурилма масофадан ҳаракатга келтирилгани тахмин қилинмоқда. Сайёҳлар тушган автобус номаълум сабабларга кўра хавфсиз йўналишдан юрмай, полиция томонидан қўриқланмайдиган иккинчи йўлни танлаган.
Шифокорлар жабрланганлардан аксарияти енгил жароҳат олганини таъкидламоқда. Бироқ бир неча киши оғир ҳолатда бўлиб, уларнинг ҳаётини сақлаб қолишга уринилмоқда.
Изоҳ (0)